VEAS DA TERRA

As Veas da Terra é unha peza audiovisual, froito da colaboración entre a Cátedra Emalcsa-UDC e o Festival Mar de Mares 2020. Esta colaboración desenvolveuse baixo a vontade de poñer en valor a auga, e a sua relacion co territorio, como ben común, como ben por coñecer, amar e preservar. O ciclo da auga é parte do ciclo da vida, un pulso que vai ligado á nosa idiosincrasia e costumes. O noso territorio está irrigado por ese fluir vital e tamén, na nosa comarca, as infraestuturas de abastecemento están imbricadas co medio natural e son patrimonio material noso e historia da a nosa cidade, A Coruña e a súa contorna. Como resposta a esta chamada da Cátedra Emalcsa-UDC, produciuse a peza “As Veas da Terra”, un poema audiovisual escrito e dirixido por Óscar Górriz, fotógrafo e realizador coruñés, quen crea un discurso simbólico necesario sobre a preservación, sobre os usos, as persoas e o que é cercano e real: dende os regatos e os ríos ata o mar, onde o medio conta esta historia: que a auga é un recurso de todos e todas, e a nosa colaboración é precisa para ter un ben de máxima calidade, un medio san e un territorio e ecosistema sustentables e rendibles. Esta peza percorre con grande beleza visual e un ambiente sonoro envolvente a conca hidrográfica que nutre de auga potable a varios concellos da comarca coruñesa, dende o nacemento dos ríos Mero e Barcés, pasando por lugares tan singulares como os muiños de Batán e Peiraio, O encoro de Cecebre, a ría do Burgo, ate chegar ao océano atlántico, que baña a cidade da Coruña. Este proxecto de promoción e visibilzación da auga no seu contexto territorial, como ben común esencial para a vida, forma parte do traballo de I+D+i que están a desenvolver Emalcsa xunto coa UDC na Cátedra que leva o seu nome. A conexión co Festival Mar de Mares é unha simbiose necesaria, pois remata de trazar o percurso do ciclo da vida que comeza nos nosos montes e acaba nos océanos, coas implicacións ineludibles que conleva respecto á preservación do patrimonio natural de todos e todas, da súa calidade, sustentabilidade e a necesidade de eficiencia, racionalidade e visión integrada na súa xestión.

Escrito, dirixido e realizado por Óscar Górriz.

Productora: Festival Mar de Mares.
Cliente: Cátedra Emalcsa-UDC.
Estrea: Setembro de 2020, Sala IMAX, Domus. A Coruña.

Producido por Ricardo Vázquez, Óscar Górriz e o Festival Mar de Mares.
Técnicos de Cámara e Drone por VdeVideo e Aeromedia.
Son por Kaze Maik de Somda Audiovisual.
Voz de Cristina Picos.
Elenco, por orde de aparición: Pepe de Ferreiros, Ana Mesejo, Ulises Górriz, Lucía Mejía, Jose Luis Cereijo, Miguel Herbón, Henrique Suárez, Teresa Silvosa.